煲粥

　　煲粥很難控制，容易滾瀉，更要睇火，比較麻煩。

　　新的電飯煲有煲粥這個功能，不知有何分別，這天中午不想食飯，於是量了半嘜米，跟指示加水㩒掣，一個鐘後有得食。

　　因為不用睇火，可以利用這段時間落街取回預訂好的貨物，然後再到粥鋪買包炒麵送粥。

　　較近的一檔炒麵每包$12，以為可以幫襯另一檔，誰知卻要$15，相差$3，可用甚貴來形容，已經行遠了無謂返轉頭，最多以後唔幫襯。

　　因為母親喜歡蠔豉，煲粥時放了兩隻，另加一粒乾瑤柱，煲時有香味，煲好唔多覺。

　　回到家中，粥早已煲好，夠晒綿滑，只是味道有點偏淡，配豉油皇炒麵最合味道。

　　不要以為亞洲人才懂煲粥，原來鬼佬也會煲，西醫會教在嬰孩六個月後可以粥水開奶，味道更佳和更富營養。至於他們點解唔多煲粥，或許沒有耐性。