炒河粉

　　蠔豉的確唔係幾好食，除了有陣味道之外。

　　乾瑤柱同樣唔多好食，容易藏入牙縫中。如果覺得好食的時候，應該係晚飯飲宴場合中，釀入節瓜中的那一菜式。為何喜歡？因為少食。

　　白粥太寡，煲出來無味無道，基本上連生病時也不想吃，食的原因只為補充體力。

　　天氣轉涼後可以煲餐粥，於是隔晚用鹽醃了一塊豬肉，第二天早上以水浸乾瑤柱，中午後撕開一條條，也將蠔豉剪碎，待至黃昏五時後，一齊放入電飯煲，加四分三嘜米三湯碗水，㩒掣煲一個小時。

　　鄉下婆鍾意多花款，預早買了一條鯇魚切片，先略炒好，跟着再炒河粉，加入葱條和豉油完成。

　　一人一碗粥及一碟河粉，仲有一塊帶鹹味豬肉，個個食得津津有味，仲話老闆娘無介紹錯，那塊豬肉又腍又入味，給周末晚上帶來美味而豐富的一餐。