樽仔奶茶西多士

　　一向很怕在茶餐廳飲奶茶，幾乎每次飲後唔係作嘔就係頭暈，原因那杯奶茶太濃或者沖得太耐。

　　更怕在茶餐廳飲咖啡，這杯港式咖啡都係太濃，再加唔係酸就係苦，也幾乎無一間沖得好。

　　從前怕去茶餐廳因為吸煙，後來怕去因為無嘢好飲，無理由叫杯好立克或阿華田，肯定仲難飲過自己沖。

　　早已聽聞上環街市及熟食中心有間茶餐廳，某次天氣很熱兼行完山從香港大學下來去過一次，只飲杯凍檸樂及食碗牛肉米，所以唔知樽仔奶茶咩味。

　　這天專程來到這裏，秋天天氣乾燥，日間氣溫也達三十度，於是點了樽仔奶茶凍檸茶，西多士和蛋牛治烘底，當作下午茶和第一輪晚餐。

　　所謂樽仔奶茶，是將奶茶倒入類似從前珠江橋牌的汽水樽內然後雪凍，味道唔算太濃兼香滑，或許經過冷藏令茶的濃度稍降，飲後未見不適。

　　檸檬茶沒有多大分別，至於西多士，並不是懷念從前，而是和小時候在家中母親所煎有相似之處——同樣蛋汁唔多夠。

　　這次來這裏，還有特別之處，好像去了一間高度設防的地方。首先進入樓下街市，先要檢查電話一次，因為電梯壞終於爬到上三樓，未推門已給幾個人喝住，原來要再檢查一次才可入內，真係嚴謹。