冷飲

　　天氣熱自然想飲杯凍飲，以前唔使諗，今天多選擇。

　　仍然有光明牌的奶製品，更有話梅味，至於橙汁棒冰，聽得多而未試過，都係喜歡雪糕多一些。

　　在艷陽之下食雪糕想想也是一件樂事，可是現時喜歡坐多過食，於是找個地方坐下來，才決定飲杯咩凍飲。

　　美國有星巴克這裏有瑞幸，台灣日本唔知有乜乜茶——因為唔識所以唔知咩名——這裏有奈雪的茶，千萬不要以為有個日本字就認定來自日本，大概都是看準中國人的心理，加個日文英文立刻高級了，也能吸引顧客。

　　飲着冷飲，看着送外賣的車手不停出入，以杯數計，外賣比堂座還多，難怪早已聽聞現時的零售市場和以前有很大分別。

　　由此想到環保，為了慳支膠飲管，但成個杯都係膠，咁即係想點環保呀。