回程飛機餐

　　因為航程短，東航只有一款飛機餐供應。

　　有水有紅蘿蔔沙律，亦有一包鍋巴，即餅乾的一種，但點解封面有倫敦橋呢？真係一個謎。

　　還有一包兩片裝葱油餅，類似嘉頓出產。還有一盒初時以為係乳酪，睇清楚封面才知是紅豆粥。

　　主菜紅燒肉臘腸西蘭花紅蘿蔔片燴飯，紅燒肉肥瘦適中，臘腸則偏鹹，米飯算是好味。

　　妹仔有點唔明白，餐具依然係塑膠，咁即係點呀？

　　其實塑膠唔係咁邪惡，只不過沒有好好利用，一切當作用完即棄，完全沒有珍惜才弄至今日的田地。

　　從前的膠製品一用可以十年八載甚至依然在使用，如今資源豐富為了方便，才有今天的浪費。

　　食完飛機餐，窗外經過茫茫大海，遠處跨海橋的燈光，如果不是降落在偏遠的跑道，算是準時到達，結束這次旅程。