浦吧

　　英國人喜歡浦吧，究竟為了飲還是為了其他包括吹水呢？

　　英國亦有自己的度量衡，他們不會叫一杯啤酒而是一pint，如果小時候受過殖民地時代的勞化教育就知道何謂品脫，至於一品脫又有幾多？以今天國際化標準下大概568毫升。

　　其實無必要理會有多少，只知一杯就夠，有沒有一品脫或是568毫升無乜人知，他們真的是來飲酒，還起碼三杯以上。

　　我們點了兩杯，無酒精比含酒精貴，大概係無酒精更難處理兼無乜人飲。

　　好不容易找到兩個位，坐在兩位男士一位女士旁邊，見他們一人買一個轉即每人三杯，我們飲一杯也有難度，唔係啤酒唔好飲而係無咁大容量亦暫時未習慣，食埋個餐之後他們好像還繼續。

　　以價錢計，三杯啤酒就是我們一個晚餐，之後他們還會否食晚餐呢？莫非飲酒好過食？真係唔知道。

　　一杯啤酒5.9鎊，價錢合理更覺廉宜，炸魚薯條15.75鎊，以酒吧價錢還可接受，而且在酒吧食飯可以不用付貼士，因為多數係先付錢後才有得飲同食，唔怕飲醉了找唔到數。