星期三, 7月 23, 2025

電影——F1

  睇電影唔使入戲院,結果電影院執笠票房亦再無昔日動輒過幾千萬甚至過億——指特區香港,皆因電影愈來愈唔好睇,這是全世界的問題。

  美國電影近幾年唔係甚麼聯盟全部有破壞無建設,就係好似歐洲電影扮嘢兼大愛包容,好似唔知搵個咩人出來做白雪公主,叫人點入戲院睇戲。

  F1係咪咁好?能夠拍一部娛樂電影而又合格,F1係成功嘅,有齊商業電影的元素,有速度有個人英雄亦有大場面,其中一些小節亦比以往美國電影為佳,睇睇吓以為睇緊日本劇集或日本電影,勵志有,解畫有,鏡頭唔會左搖右擺,唔明再講多次亦有,有些少日本風格。

  本來是美國人的自以為是,本來是英國才有的幽默,這電影中倒轉過來,變成了英國人傲慢自大,連幽默感也輸給美國佬。

  商業娛樂片,能令觀眾愉快兩個多小時,今天來說已難能可貴。由於不是睇IMAX版,始終覺得音響差得太遠了,或許與電影製作無關,而係這裏的戲院太細間。

沒有留言: