The Queen's Walk

　　睇過特務007的電影，多少都知道白廳、國會大廈、西敏橋等。當然電影場景唔一定係真，但係真正走在其中又會有另一種感覺。

　　很多時候很怕走在繁忙的街道上，不過旅行難免會經過，特別是英國首都倫敦。經過唐寧街已經走在對面馬路，來到大笨鐘前更加唔想停留，急忙行上西敏橋上行過對岸，這裏的遊人算是略少，而且這裏才可一窺西敏宮即國會大廈全貌。

　　沿泰晤士河邊有一條「The Queen's Walk」，可一直走到倫敦塔橋那裏，於是嘗試看能否走到。

　　剛才停了雨，以為會有一陣好天氣，誰料千禧橋前，大雨再次落下，打消了走到對岸近觀聖保羅座堂。

　　落雨並不會令我們掃興，不過雨隨風來，外套風衣還可抵擋，但鞋入了水就唔係容易接受，況且落雨天氣令氣溫下降，濕了雙腳自然覺得更加寒冷，飲了杯熱朱古力亦不能消除寒意，為免感冒決定今天到此為止，等不及倫敦塔橋升起前搭地鐵離開。

　　其實塔橋會否每日升降我哋都唔知，不過每日都有期待是一件很吸引的事情，看似和倫敦很多地方擦身而過，也是我們預料之內，再加落雨，變化往往比計劃還快，雖說要把握，但也不能強求。