黃昏美景與晚餐

　　接近下午六時，陽光仍然普照，皆因夏令時間，窗外有如一幅風景畫，正面的建築還有點氣派，背後當然另一個模樣，不過很有英國特式。右邊多為酒店後半部，左邊才是民居，英國的古舊和別的地方有些分別——英國多是內外一致。

　　這晚是在倫敦最後一夜，食一餐較好其實選擇唔多，聽聞蔡瀾講英國食物係畀豬食，雖然有點刻薄，但係相距不遠，他有他的見解我們無得選擇，亦不能在英國找間印度咖喱來個晚餐，因為那些地方亦唔係平民可以咁易去到，蟻民唔係食蟻糧已經萬幸。

　　豬的食物可以很雜，其中包括牛扒，鬼佬煎扒有一手，就係好似炭咁，侍應會走嚟傾兩句，會話杯啤酒咁細杯唔夠飲，無酒精的啤酒完全另一回事等，喜歡與否屬另一回事，人家招呼有規矩，就是兩位客人的話主菜都會同時上，四位以上當然會有前後，因侍應只有兩售手，但係都是同一時間離開廚房。

　　有些蔬菜生食聽聞對腸胃與消化有益，至於薯仔稱得上美味，這餐的份量剛剛好。至於啤酒點解唔要英國牌子？點菜時見鄰桌飲緊，也喜歡這牌子Stella Artois，尤其早年的廣告幽默風趣，現在少見了這啤酒廣告，大概本地的客戶減少了吧。