Slough

　　如果有睇過英國劇集《Slow Horses》大概都聽過Slough這個地方名，因為這班「高人」的總部就設在Slough。

　　這是題外話。

　　從柏靈頓前往溫莎堡的火車，會在Slough車站再轉另一輛火車，而這輛火車只來往Slough與溫莎堡，屬比較特別的班次。聽聞Slough治安亦不太好，火車站所見又唔多覺。

　　英國火車私營化之後，由多間公司營運，是否改善了服務？唔見得，票價是否更有競爭力？當然無，準時或是速度增加和班次更頻密？相信和國營時期差唔多。

　　不過這都是英國居民所要面對的事，好像由伯明翰至倫敦的火車，票價可以由五十鎊至過百鎊，既不是高速又唔係特別舒服，只不過比坐長途巴士快捷一小時左右，但票價卻是長途巴士的兩倍至四倍之間。

　　點解英國的物價通脹咁嚴重，除了因為自認大不列顛（Great Britain）——即係喜歡認大和有個「Great」——之外，仲要畀高人工養一班精英來管治，市民納稅自然重，物價點會唔貴。

　　一個冬甩可以賣到1.55鎊，和這裏有得比，歐洲其他地方大概一歐元至1.2歐，以前有麥當勞巨無霸指數，今天以冬甩來比較，就知英國唔係普通人可以住，但點解仲有咁多人話要移民英國呢？

　　唔知會唔會係一個謎？