尾聲

　　出發去英國之前，問一位舊同事在哪裏，他說正在德國，故未能見面，只好留待下次。

　　他問點解唔去德國，還問去英國做乜。

　　本來幾喜歡德國，包括足球，後來睇多幾年發覺德國足球有其優勝的地方，可是較少創造，沒有了較早一批的特別有個性的球員，大概也與德國統一之後有關，西德時代的球員多帶反叛。

　　德國的工業以精準為優點，可是幾年前飛柏林，那個新機場竟然遲了幾年仍未完工，不知是否自從東西德合併之後被德共滲透，雖在歐洲仍排第一，但創新似乎落後於其他國家。

　　英國當然亦唔好得去邊，同樣食老本，恃爛船也有三斤釘，所以回答為何去英國之時，隨便答了一句：考察——係去睇吓英國幾咁折墮，如果真的還有本事，應該帶領歐洲反抗德國即歐盟。

　　國泰航空的標誌早已沒有了英國旗，連維珍航空也沒有了飛特區香港的航班，英航雖然維持只因仍有利益所在，那些高官或退休高官可以坐坐頭等。

　　國泰航空的膳食保持水準，經常聽人講國泰航空的飛機餐唔好食，這點令兩怪最唔明，既然知道唔好食，點解唔一早話唔要呢？

　　我們多數會吃光所有食物，雪糕唔可以留當然食埋，餅乾留待坐巴士時才食，現時那套餐具多已改回金屬製成，不過之前的膠餐具品質真的不錯，可以用很多次才拋棄。

　　英國有自己一套方式，大概亦與島國有關，而今天則是太過懷念從前似乎成了阻礙。