唔知咩設計

　　從機場入境進入大堂，見路中央一處地點以圍帶圍起來，看似免被行經該處的行人無意中碰到所以圍起來，但被圍起來的又是甚麼呢？

　　走近一看，原來是一盆仍未長出鮮花或樹枝的盆栽，盆面上只有青草，放於路中央，因為體積不大，行人如果推着行李車，一時間未必留意碰撞引致受傷，嚴重搞出人命，輕則雖然唔使入醫院，但隨之而來的法律責任可大可小，所以圍起來是有道理的。

　　至於點解有咁嘅設計唔係好清楚，或許地面有損毁，以盆栽遮蓋，可是這盆嘢又太細，放於路中央唔係咁容易引起行人注意，於是再加四面圍帶圍起來，豎個告示牌，如果咁都睇唔到就抵死喇。

　　話晒特區赤鱲角機場國際知名，無端端多嚿擺設，吾等唔多識欣賞，或許聰明的人才睇得明點解咁擺。