酒店

　　長崎選了住在觀光通附近的Forza飯店，自助式登記入住，頗適合唔多喜歡與別人交談的住客。

　　以往多入住B&B，今次住回酒店，原因唔想自己煮晚餐，第二個原因長崎的B&B很多時住在二樓，需要行一條較為直的樓梯，以現時年紀已長亦唔多想行，所以住回酒店。

　　本來住進日式房屋可以多瞭解他們的生活習慣，和式偶然瞓一晚還可以接受，想到朝朝要從地下爬起來，再加上深夜要廁所的話，既要開床亦要摺被，都係算罷。還有日式房屋而又願意出租給旅客，多數位於需要行一段斜路才到達的地點，始終不及住酒店方便，或許再有機會可以試試。

　　以前很少攝下酒店的照片，如今則要呢？這也與年紀有關，隨着年紀增長，唔係成日記得曾經住過邊間旅館或酒店，既然係咁於是影張相，大家一起看照片時可以回憶起曾經住過的地方，可以找到當時愉快的經歷，也是一件美好的事。

　　這間酒店還有一項特別之設備，就是房中有張按摩椅，雖然遙控以日文操作，試過一兩次，完全難不到疲倦的身軀舒適的需要，重要遙控上有一個「緊急停止」（日本都係咁寫）掣，稍有不適立刻停止。