土耳其飯

　　為何稱為土耳其飯？維基百科有詳細解釋。

　　至於是否真的發跡於長崎，相信亦不可考，不過唔緊要，既然來到長崎，當然要一試。

　　找到一間頗傳統而又帶點古老的餐廳，主要供應就是土耳其飯。

　　以飯和麵（今天是意粉）混食，相信與日本的土壤有關，土地並不一定貧瘠但肯定唔夠肥沃，再加上山多平地少，氣候較為寒冷，早年飯唔夠加點麵，麵唔夠加點飯，來源或是如此。日本人亦喜歡炸豬排，覺得美味與珍貴，亦與木土所出產的種類不多有關，變成很多食物會覺得非常矜貴，不會隨便浪費，搖身一變成了當地美食。

　　能夠相約去餐廳食飯當然唔簡單，就像上世紀七八十年代剛出來工作，儲了成年錢去一次鋸扒，食後幾乎今世難忘，並不定是味道而是回味曾經付出過的努力。

　　日本人仍舊覺得關東煮好食，而我們總覺得蘿蔔睇唔上眼一樣，他們會追求與繼承傳統，我們早已忘記了食除了裹腹之外，還有更多的層次，簡單而又廉宜，能夠烹調出美味，這才最不容易。