十號風球後的早午餐

　　一覺醒來，天文台已由十號風球改掛八號風球，並預測下午四時許改掛更低風球。

　　在市區正常的八號風球下，唔使返工返學，一係在家一係學人追風，但係大澳居民則完全唔同，一早八點幾已見甚多人開始清理被風吹至四散的樹葉枯枝及雜物，迅速把環境整理，回復原有的模樣。

　　至於被風吹至四散的燈籠，幾位村民找來存貨，重新掛起新的，待雨勢稍細便可再次點綴，照耀夜晚。

　　走到大街，原來已非常熱鬧，連一間中式食肆早已開門，製作了多款點心及蒸飯供應，讓忙了一個上午的村民有餐飽飯。

　　看來這裏的人喜歡自救多於靠別人，我們也來幫襯，買了一盒鳳爪排骨飯，兩款點心山竹牛肉和燒賣，拿回住宿地方，當作早餐及午餐。

　　如果真係要等到宣佈三號風球之後才開工，即係唔使食唔使做，這些想法，相信只有城市人才會這樣做。