李禧記

　　來到順德大良，隨便帶些名物手信，磞砂南乳花生唔少得，但係滿街都係李禧記，究竟邊間才最好？

　　唔使講一定係老店，但係間間都話自己係老店兼正宗，難以分辨。

　　繼續向堂大佬請教，他說只有一間老店，在順德區華蓋里直街4號偉怡樓13號的李禧記才是最好味的。

　　他當然唔會講詳細地址，而係好似以前一樣，講在清暉園附近街口的李禧記，至於邊條街邊條路則唔多清楚。

　　幸好有表弟帶路，不然真係唔知邊間，地址從包裝袋得知。

　　磞砂改為獨立（獨立兩個字唔知出唔出得街）包裝，送人也方便，每人試一個，唔鍾意也不用開了成包唔知點處置。花生已唔敢多食，喜歡的是南乳的惹味。

　　唔好以為自己有份，磞砂買給母親，花生只係試食。