包雲吞

　　買了豬肉一次食唔晒，第二日買了韭菜，以最簡單的方法包雲吞。

　　順便亦買了本來是香港特產的鶴藪，即學斗，又或叫小白菜。

　　說起學斗，現時的小白菜，根本和以前兩個樣，而學斗也不再屬於特區香港的特產，基本上全部都係大陸種。

　　小白菜較長身，學斗較肥矮，雞毛菜最佳用來包雲吞，可惜現時種出來的菜，大部分已變了質，沒有了爽甜。

　　買好菜，入去街市買雲吞皮，全街市只有一間，雲吞皮只剩下十蚊約半斤多點，於是和事頭婆講下午再來買。

　　約四點鐘，再去街市買雲吞皮，誰料依然不夠，事頭婆根本唔多似做生意，或許她不是事頭婆，只係打工，還推說剛才有個菲傭買了四十蚊，所以才剩下半斤。

　　四十蚊可買多少？約兩斤半，難道剛才入貨就只有三斤？不可能吧。

　　唔緊要，立刻搭車過海買，回家約五時，把韭菜切好拌勻豬肉，由母親出手包雲吞。

　　有菜有肉亦有麵粉，當然亦有調味料，簡單而美味。