雙皮奶

　　來到順德大良，必定要試雙皮奶。

　　現在經常聽到甚麼打咭，甚麼網紅，好像自己毫無常識一樣，食碗甜品雙皮奶都要聽人講，點解唔親自去大良聽聽當地人如何說，或親自逐一嘗試。

　　喜歡影相並不定每次都要影，亦不需要有自己個樣。當個個講仁信民信，但係一問堂大佬，點知佢話十年八年就係，但今天已經唔係，話係位於新寧路31號的金榜牛奶店才值得一去。

　　立刻坐車過去，時為下午四時許，行到門前已見烏燈黑火，門外貼上「售完」還有英文「Sold Out」，唔係真係咁厲害吧。

　　上前查詢，得知每日出品四五百碗，售出即止，就算預訂明天也不能。

　　無辦法，只好改變行程，仁信不在考慮之列，改往民信。

　　講真，民信的雙皮奶已和十年前根本無得比，水牛的數量減少，維持奶量供應必然加上其他代替品，沒有了從前的香，也無豐富的質，至於甜算是保持。

　　回家後再聽堂大佬介紹，幾乎連試第二碗也沒有興趣，唔食唔係唔想，而係趕唔似，留待下一次。