外孫女跟婆婆去上海，四天能去的地方不多，由於天氣炎熱，婆婆也沒可能帶她四圍去。時間雖然不夠，但可以乘坐磁浮列車，又經歷了機場混亂的一天，也算特別。平時見她唔聲唔聲，回來後竟然有寫網上日記，原文不作改動，節錄如下：

未去之前媽媽說唔係去住大酒店,,訓覺沒冷氣,,所住的只是個鄉下地方....我都唔覺得有咩咁大不了....但去到先發覺原來跟自己想像的有d出入.....

真 係體會到"唔係一開水喉就有水",,試過一次開花灑見到有好多水出勁開心... 好多小朋友只係著住條短褲通街走,,再望下自己件3上面有個tick.....真係有d慚愧~ 有的鋪張蓆就咁係條街到訓...真係唔明6點幾太陽出o個陣迎面咁照埋黎佢點可以訓得著.....我平時塊窗簾布拉開左少少我都覺得好"殘"眼..

一個大城市都有d咁既情況發生,,真係唔敢想像中國較為落後d既地方會點......

當以為一蚊杯豆漿,,2.5一籠小籠包係好平既時候，可能人地要做幾日先賺到

當諗住一齊去沙田俾錢去租單車踩既時候，人地係要由屋企踩幾個鐘頭去返工搵食

當以為所擁有的一切都是理所當然既時候，先發覺原來自己之前係幾咁天真

唔會再諗去買咩名牌銀包4千幾蚊的電話開冷氣cum棉胎...太膚淺了

驀然回首，心智好像成熟了不少

哈!