晚餐

　　之前曾經來過，今次仍選擇在這裏晚餐。

　　Osteria dell'Orsa價錢大眾化，馳名肉醬意粉，還有很多菜式，包括米蘭炸豬扒，亦有火腿併盤，與博洛尼亞獨有的餅，用來配火腿。

　　我們統稱意粉，其實意粉有多種，多至義大利人都未必識細分（他們當然懂係我哋唔識），有些更可以放湯，南北亦不同，唔識叫唔緊要，只要上網看圖識字，侍應樂於幫忙。

　　這間餐廳在雙塔附近也近大學區，街市亦在隔鄰，侍應多年輕人，有些熱情有些較酷，現在他們提倡慢食，所以唔好心急，一於慢慢食。

　　餐廳不設預訂，唔好見地面一層滿座就以為無位，遇上熱鬧日子，會開放地庫一層，座位比地面還要多，開放與否要看日子。

　　上次來博洛尼亞，也在這裏晚餐，在地庫中與兩位年輕人同坐，他們還請我們嘗試一種餐廳供應的當地麵包。甜品味道不錯，前後試過兩次，既想盡興就要有所預備，不然食得太飽連甜品都食唔落。