香港航空

　　之前搭過香港航空，不過去邊已經唔記得，亦無太深刻印象。

　　今次再有機會去北京，選擇機票以香港航空最廉宜，時間上午去下午返，北京降落大興機場，離市區遠一點，但有鐵路接駁，未去過當然想去吓。

　　以往對中國航空公司（特區香港）的印象，就是地勤唔會太殷勤，上咗飛機要等起飛，等幾耐唔知，空中小姐也不會主動解決麻煩，至於娛樂，以空中巴士A320的細機，我們也沒有要求，帶本書上機肯定無錯。

　　可是今次來到機場，地勤主動替我們辦理自助登機手續，還貼上行李標籤，然後交回櫃檯，亦可選擇窗口或走廊的相連座位，過程唔使五分鐘，怪不得網上辦理登機及付費選擇座位係無乜人會咁做。

　　A320飛機，33排列，空中小姐很忙碌，為了解決的是，不知為何有一班乘客很喜歡把手提手李如手袋小背包之類抱在膝上，如果不放心放在頭頂的行李架，也可擺在自己前方的座位下，待起飛後才取回。或許袋內藏有非常貴重的物品才會如此不放心，這些小事已令空中小姐來回了幾次。

　　時間剛好十點，飛機開始推出滑行道，準備迎來這次北京聖堂之旅。