觀景台？

　　特區香港赤鱲角國際機場今年多了一條跑道，即共有三條，至於候機大樓亦增加了中場客運大樓。

　　新的第三條跑道位處較遠的地點，將來亦會有新的候機樓，不過唔知幾時落成。

　　機場建設稅唔知畀到幾時，而離境稅亦會增加，我們旅客真係幸福，機場咁好設備其實都係自己畀錢。

　　咁納稅啲錢呢？

　　中場客運大樓，要乘機場無人駕駛列車過來，這次目的地北京，當踏入無人駕駛列車的一刻，已有踏足北京的感覺。

　　列車的每節車廂（應是三節）之間以車門分隔，按正常不能相通，只在危急時使用，可是列車節與節之間其中一扇門卻開了，原因應該被行駛中的震動所震開，有一位正義的旅客企圖關上，但不用一分鐘再次震開，證明了門鎖損壞不能正常鎖上。

　　機場列車屬無人駕駛，這並不是新鮮事，但行駛中的震動，在特區香港其他鐵路係感受唔到，至於原因，以吾等識條鐵當然係唔知道。

　　中場客運大樓成一長方形，橫放在中間，兩端並無遮擋，觀看飛機升降最佳地點，所以設有「觀景台」，可以走出冷氣間依然隔着玻璃欣賞。

　　千萬不要以為這裏真的是觀景台，咁好聽的名稱應是多事的人命名的，其實那裏是吸堙區，若想吸煙請走至室外。

　　咁好服務，真係要讚一讚全世界第一的國際機場。