搭巴士

　　一早搭巴士送貨，本來晨早六點幾，交通不太繁忙，一般都能準時到達，可是偏偏巴士班次未能按時，結果唔係太早就是太遲。

　　有些司機喜歡停正巴士站才讓乘客上落，但有些很隨意，一係停前一係停後。如果有兩架巴士一齊到達，前面一架略停前，使後面的一架也貼近巴士站，這時可以一齊上落車，不用等前一架駛走，加快了速度，迎合特區香港人的心急性格。

　　這天（十月二十九日）早上約七時二十一分，一部編號8433的789來到，唔知點解停前幾碼，亦佔用兩條線——一條巴士站線一條慢線，難得司機好心情，隨意慢幾拍或快幾拍，把駕駛變成個人樂趣。

　　趕到柴灣交接工作，唔夠十分鐘（約八時十分）又要轉巴士出灣仔，這時另一班789到來，可惜唔到中環，於是跟隨排隊搭788。這時正是繁忙時間，789已經上了成車客，司機關門準備開車，這時有位熱血中年上氣不接下氣跑來，眾人沒有留意這位重要人物要搭車，巴士卻離站而去，剩下這位重要人物失望又不憤，對著空氣發泄不滿。

　　明明剛才無人追巴士，為何無端端有個人走出來？原來這位重要人物原本坐的士，見有巴士而又慢幾拍才走過來，一心想慳一百幾十，證明了凡失去或錯過都會令人不快與失望，既然一心坐的士，用金錢可以買時間，點解一早唔做呢？係都要法國大餐！最後見這位重要人物坐了車牌PJ 3188的士而去，口中還念念有詞。

　　追唔到巴士可以這樣，遇到其他不如意和不滿，不知他又會如何？會不會盡力為自己爭取應有的權益呢？

　　相信絕對唔會。