龍蝦刺身

　　熟食龍蝦食過幾次，最奢華一次龍蝦做早餐，但都係以蒸的方法，咁大個人終於食到龍蝦刺身。

　　話說今年五月，有人要去一間海鮮鋪食飯，於是坐車去到佐敦道，經過九龍公園，睇人踢波兼換衫，晚上終於有幸第一次試食。

　　這天天氣較熱，從雪櫃拿出來，雖然下面隔紙放了冰，依然敵不過高溫，買相有點融化，幸好未影響質地。

　　對於生食不算喜好，只能小試，閒談間問到為何有龍蝦刺身供應，原來某個國家因為「檢疫」問題禁止澳洲龍蝦進口，大量貨源積壓，於是改運特區香港，結果能以較低的價錢購入，售價比平日便宜了約三分一。

　　按道理，特區香港只有七百萬人口，平時也有進口澳洲龍蝦，突然間多了來貨，也沒有可能全數售出，就算降低售價也不可能完全消化，直至後來出了新聞死了人，才知道為何特區香港可以入口大量澳洲龍蝦，原來背後有原因。

　　新聞政治從來唔識，人生只為滿足口慾，試過龍蝦刺身，非常可惜沒有想過要再試。