餐盒

　　每個星期日，鄉下婆下午一段時間便會走入廚房，一於以最簡單的方法製作幾個餐盒，好讓返工時不用出街食飯，唔使一定要帶個智能電話四圍照。

　　買了一包急凍鴨胸，煲湯剩下一節蓮藕，唔夠清甜的青瓜，還有幾條澳洲紅蘿蔔，配上日本蕎麥麵，味道應該不錯。

　　一面煮麵，一面切蓮藕青瓜紅蘿蔔，放於水煲腍，鴨胸切片，然後依次序放入盒中，學日本人砌得整齊，這樣才成一個餐盒。

　　返工八九個鐘甚至十幾個鐘，食飯時間算是有些自由，現時都要畀人剝奪，說要少數服從多數，當多數時又會講真理在少數人手中，無謂講咁多下只好遠離繁囂，有時間的話攞住個餐盒走到海邊，對住個大海食餐飯。