生死有時戲飛

　　No Time To Die生死有時有大銀幕版，又有震版，可惜唔係處處有這類戲院，又要過九龍又要入新界——新界這個名究竟可唔可以再叫——先有得睇，既然係咁，搞間屋企附近嘅行路都可以到，起碼唔使坐車。

　　一向唔多喜歡鐵金剛，更加唔多喜歡現時這位鐵金剛，不過話晒大片，有時為了娛樂偶然都會入場，睇吓佢去咗邊到地方，例如有一次去了西耶娜，今次就去馬泰拉，羅馬飛車則無乜特別。

　　鐵金剛特技一向都真人演出，很少綠幕製作，雖然同有電腦加工，很可惜這次唔覺得拍得出色，或許菲林就拍咗好多，剪出來未能達到效果。

　　雖說講古唔好駁古，但係廣場上圍成圓圈向中間的鐵金剛開槍，咁嘅設計邊度諗得出？似乎睇製作特輯精彩過電影所見，馬泰拉的飛車追逐，電單車飛上廣場一段，根本營做氣氛不足，一閃而過，有點浪費特技與風景。

　　電影根本就是虛假，無非帶給觀眾無限幻想，千萬不要當真，鐵金剛死唔死關人咩事，原來一切都是自以為可解決任何問題的「智將」想出來，簡單如一粒子彈，怎可能只傷到「壞人」而不傷及「好人」，而好壞又應如何去分？

　　太高深唔合只為娛樂的人，始終覺得近年西方過於左傾及幼稚，講鐵金剛有個女，講「壞人」應唔應該殺。以鐵金剛為人，外面應該有好多個仔女，至於該唔該殺，講多無謂，既然要入地獄，就應有我不入地獄誰入地獄的豪情壯志。